छातीत लाथाबुक्क्या, कलाकेंद्रावर नर्तिकेचा डान्स बघायला गेलेल्या तरुणाचा मृत्यू, मित्रांनीच दारू पाजून घेतला जीव

बालाजी निरफळ, प्रतिनिधी धाराशिव: मागील काही दिवसांपासून धाराशिव, बीड आणि सोलापूर येथील कलाकेंद्रावर होणाऱ्या गुन्ह्यांमध्ये वाढ होताना दिसत आहे. काही दिवसांपूर्वी बार्शी येथील नर्तिका पूजा गायकवाडच्या प्रेमात एका माजी उपसरपंचाने आत्महत्या केली होती. त्याने कार आतून बंद करत स्वत:वर गोळी झाडून घेतली होती. ही घटना ताजी असताना पुन्हा एकदा कलाकेंद्रावर बारी (नर्तिकेचा डान्स) बघायला गेलेल्या तरुणाचा मृत्यू झाला आहे.