शक्तिपीठ महामार्गाच्या ४ जिल्ह्यांच्या मार्गात मोठे बदल! कसा अन् कुठून जाणार? वाचा सविस्तर

मुंबई : महाराष्ट्रातील साडेतीन शक्तिपीठांना जोडण्यासाठी प्रस्तावित असलेल्या शक्तिपीठ महामार्गाला कोल्हापूर जिल्ह्यात तीव्र विरोधाचा सामना करावा लागल्यानंतर अखेर राज्य सरकारने या प्रकल्पाच्या आराखड्यात मोठे बदल करण्याचा निर्णय घेतला आहे. शेतकरी, स्थानिक नागरिक आणि विविध संघटनांनी व्यक्त केलेल्या नाराजीची दखल घेत, महामार्गाचा मार्ग बदलण्यात आला असून आता हा महामार्ग सातारा जिल्ह्यातूनही जाणार आहे. मात्र, या बदलामुळे प्रकल्पाच्या एकूण खर्चात सुमारे १५ हजार कोटी रुपयांची वाढ झाली असून, आधी ८६ हजार कोटी रुपये असलेला खर्च आता तब्बल १ लाख १ हजार कोटी रुपयांपर्यंत पोहोचला आहे.