मोठी बातमी! मराठा समाजाला ऐन निवडणुकीत मोठा धक्का, मनोज जरांगेच्या भूमिकेकडे लक्ष

मुंबई : राज्यातील मराठा आरक्षणाचा (Maratha Reservation) प्रश्न गंभीर बनला असतानाच आता पुन्हा एकदा राज्य सरकारने मराठा आरक्षणासंदर्भात गठीत केलेल्या शिंदे समितीला मुदतवाढ दिली आहे. विशेष म्हणजे आता या समितीला थेट 30 जून पर्यंतची मुदतवाढ देण्यात आली आहे. त्यामुळे, आता मराठा आरक्षणाच्या विषयी या समितीकडून थेट सहा महिन्यानंतर निवडणुका नंतरच अहवाल सादर केला जाणार असल्याचे स्पष्ट झालं आहे. यापूर्वीही अनेकदा या समितीला सरकारकडून मुदतवाढ देण्यात आली होती. आता, थेट 6 महिन्यांची मुदतवाढ दिल्यामुळे, मराठा आरक्षणासाठी लढा देणारे उपोषणकर्ते मनोज जरांगे पाटील काय भूमिका घेतात, याकडे सर्वांचे लक्ष लागले आहे.