शिर्डीत साईबाबांच्या दर्शनाला आलेल्या 2 भाविकांचं अपहरण, हॉटेलात ठेवलं डांबून, 5 जणांच्या टोळीला अटक

बब्बू शेंख, प्रतिनिधी मालेगाव: महाराष्ट्रातील शिर्डी येथे साईबाबांच्या दर्शनासाठी आलेल्या दोन भाविकांचं मालेगाव परिसरातून अपहरण झाल्याची धक्कादायक घटना समोर आली आहे. मालेगाव येथील पाच आरोपींनी या दोघांचं अपहरण करून त्यांना हॉटेलमध्ये डांबून ठेवलं होतं. मात्र, या घटनेची माहिती मिळताच मालेगाव पोलिसांनी तत्परता दाखवत अवघ्या काही तासांतच अपहरणकांड उघडकीस आणलं. पोलिसांनी अपहरण झालेल्या दोन्ही भाविकांची सुखरूप सुटका केली आहे. या प्रकरणात पोलिसांनी पाचही आरोपींना जेरबंद केले आहे.