आदित्य ठाकरेंच्या शिवाजी पार्कच्या भाषणाचा किस्सा, ठाकरे बंधूंनी कुठे उभा राहून ऐकलं भाषण? ते फोटो समोर

मुंबई: बृहन्मुंबई महापालिकेसाठी ठाकरे बंधूंच्या संयुक्त सभेत शिवसेना नेते, आदित्य ठाकरे यांनी जोरदार भाषण केले. मुंबईतील जनतेने शिवसेनेला का मतदान करावे, हे आदित्य ठाकरे यांनी आपल्या भाषणातून सांगितले. मुख्यमंत्री फडणवीसांची केलेली मिमिक्री, मुद्द्यांवरून भाजपवर केलेली टीका तसेच आगामी पाच वर्षात मुंबईकरांसाठी करणार असलेले प्रकल्प, अशी गुंफण त्यांनी आपल्या भाषणातून केली. राष्ट्रवादीचे ज्येष्ठ नेते जयंत पाटील यांनी त्यांचे तोंडभरून कौतुक केले. आदित्य ठाकरे यांच्या घणाघाती भाषणाची राज्यभरात जोरदार चर्चा झाली. त्यांचे हेच भाषण उद्धव ठाकरे आणि राज ठाकरे यांनी शिवतीर्थावरील ऐकल्याचे फोटो समोर आले आहेत. या भाषणाचा खास किस्सा आदित्य ठाकरे यांनी आज आपल्या समाज माध्यमांवरून सांगितला आहे.