भाजपमध्ये जाणार? अखेर प्रणिती शिंदेंनी 24 तासानंतर सुजात आंबेडकरांना सुनावलं

सोलापूर :  सोलापूरच्या राजकारणात सध्या आरोप-प्रत्यारोपांचे वातावरण चांगलेच तापले असून प्रकाश आंबेडकरांचे सुपुत्र आणि वंचित बहुजन आघाडी युवा नेते सुजात आंबेडकर (Sujat Ambedkar) यांनी केलेल्या वक्तव्यामुळे मोठी खळबळ उडाली आहे. सोलापूर महानगरपालिका निवडणुकीच्या पार्श्वभूमीवर प्रचारासाठी आलेल्या सुजात आंबेडकर यांनी काँग्रेसच्या खासदार प्रणिती शिंदे यांच्यावर गंभीर आणि खळबळजनक आरोप केले. अखेर 24 तासानंतर प्रणिती शिंदे यांनी मौन सोडले असून आरोपावर सडेतोड उत्तर दिले आहे. वक्तव्य करताना भान ठेवा, अशा शब्दात प्रणिती शिंदे यांनी सुनावले आहे. सोशल मीडियावर पोस्ट करत प्रणिती शिंदे यांनी प्रत्युत्तर दिले आहे.