Akluj Nagar Parishad Election : 'घायल हूं, इसलिए घातक हूँ...', शरद पवारांच्या सेनापतीमुळे चारही नगरपालिकेमध्ये भाजपची धुळधाण!

Akluj Nagar Parishad Result : लोकसभा निवडणुकीपासून भाजपला माढ्यात भाजपने हातपाय पसरण्याचा प्रयत्न केला पण मोहिते पाटील घराण्याने हाती तुतारी घेतल्यापासून भाजपला धक्क्यावर धक्के बसल्याचं पहायला मिळतंय. अकलूज नगरपरिषदेच्या निवडणुकीत मोहिते-पाटील कुटुंबाची प्रतिष्ठा पणाला लागली होती. तब्बल 97 वर्षांच्या ग्रामपंचायतीच्या इतिहासात माजी उपमुख्यमंत्री विजयसिंह मोहिते-पाटील, आमदार रणजितसिंह मोहिते-पाटील आणि खासदार धैर्यशील मोहिते-पाटील यांचे या भागावर एकहाती वर्चस्व राहिलं आहे. मात्र, यंदा पालकमंत्री जयकुमार गोरे आणि माजी आमदार राम सातपुते यांनी शरद पवारांना शिंगावर घेणाऱ्या मोहिते-पाटलांच्या होम ग्राउंडवर तगडं आव्हान उभं केल्याने ही लढत अत्यंत रंगतदार झाली आहे. मात्र, अखेर होम ग्राऊंडवर मोहिते पाटलांनी पुन्हा बाजी मारली.