'मला पोलीसमध्ये भरती व्हायचंय..', कुटुंबाला हातभार लावण्यासाठी विकतेय दूध, सोलापूरच्या कल्याणीच्या जिद्दीची कहाणी!

सोलापूर : ग्रामीण भागातील बहुतांश मुले हे पोलीस भरतीचे स्वप्न पाहतात. यातच आता दक्षिण सोलापूर तालुक्यातील गुंजेगावत राहणाऱ्या तरुणीनेही पोलीसमध्ये भरती होण्याचे स्वप्न पाहिले आहे. तसेच आपले स्वप्न पूर्ण करण्यासाठी मागील 4 वर्षांपासुन ही तरुणी दूध गोळा करुन विक्री करण्याचे काम करत आहे. कल्याणी बाबासाहेब पवार (रा. गुंजेगाव, ता. दक्षिण सोलापूर) असे या तरुणीचे नाव आहे.

गेल्या 10 वर्षांपासून कल्याणीचे वडील गवळी व्यवसाय करत आहे. तर कल्याणी गेल्या 4 वर्षापासुन वडिलांना दूध गोळा करुन ते विक्री करण्यासाठी मदत करत आहे. कल्याणी हिच्या घरी 4 ते 5 म्हशी आहेत. दररोज कल्याणी 50 ते 60 लीटर दूध गोळा करून गावात विक्री करते. तसेच उरलेले दूध मोटारसायकलवर येऊन सोलापूर शहरात विक्री करते.

कल्याणी पवार या तरुणीला पोलीसमध्ये भरती व्हायचे आहे. यासाठी ती मागील 4 वर्षांपासून वडिलांसोबत दूध गोळा करून विक्री करण्याचे काम करत आहे. कल्याणी पवार हिच्या घरची परिस्थिती हालाखीची आहे. त्यामुळे कल्याणी आपल्या वडिलांसोबत दूध संकलन करून विक्री करण्याचे काम करत आहे.