पूजाच्या प्रेमात वेडा, कधी बीड तर कधी वैरागच्या लॉजवर घडायचं नको तेच, बर्गे प्रकरणात नवा खुलासा

प्रीतम पंडित, प्रतिनिधी सोलापूर: बीड जिल्ह्याच्या गेवराई तालुक्यातील माजी उपसरपंच गोविंद बर्गे यांनी काही दिवसांपूर्वी आपल्या कारमध्ये बसून स्वत:वर गोळी झाडून घेतली. बर्गे यांनी कला केंद्रातील नर्तिका पूजा गायकवाड हिच्या घरासमोर हे टोकाचं पाऊल उचललं. पूजा गायकवाडने संपर्क तोडल्याच्या नैराश्यात येऊन गोविंद बर्गे याने आत्महत्येसारखं टोकाचं पाऊल उचलल्याचं सुरुवातीपासून सांगितलं जात होतं. आता या प्रकरणात नवनवीन माहिती समोर येत आहे. पूजा आणि गोविंद यांच्यात केवळ ग्राहक आणि नर्तिका एवढ्यापुरतं नातं नव्हतं. दोघंही रिलेशनशिपमध्ये होते, अशी माहितीही आता समोर आली आहे.