'...तर अत्याचाराचा गुन्हा दाखल करेन', पहिली भेट कुठे झाली? पूजाने उपसरपंच गोविंदला प्रेमाच्या जाळ्यात कसं अडकवलं?

बीड जिल्ह्यातील गेवराई तालुक्यातील लुखामसला गावचे माजी उपसरपंच गोविंद जगन्नाथ बर्गे यांनी आत्महत्या केल्याने एकच खळबळ उडाली आहे. त्यांनी बंदुकीतून गोळी झाडून स्वत:ला संपवले. यानंतर पोलीसांनी तपासाची चक्रे फिरवत कला केंद्रातील 21 वर्षीय नर्तकी पूजा गायकवाडला अटक केली. ज्यात या नर्तिकेशी उपसरपंच गोविंद बर्गे यांचे विवाहबाह्य संबंध असल्याची माहिती समोर आली होती. याचवेळी बर्गे यांच्या भाच्याने माझा मामा निर्व्यसनी होता, त्यांच्याकडे पिस्तुलही नव्हते, त्याला बदनाम करण्याचा प्रयत्न केला जात असल्याचा दावा केला होता. या दाव्यानंतर आता गोविंदच्या मित्राने देखील प्रतिक्रिया दिली आहे. पूजा आणि गोविंद पहिल्यांदा कुठे भेटले होते. त्यांच्या प्रेमसंबंध कसे निर्माण झाले? पूजा गोविंदला कशी ब्लॅकमेल करायची, याची सविस्तर माहिती दिली आहे.