Solapur : ट्रॅक्टरमध्ये चढताना गिअर पडला, दोन बहिणींचा चाकाखाली चिरडून अंत, चालकावर गुन्हा दाखल

चंद्रपूर जिल्ह्यातून शानुबाई राज राठोड, राजु राठोड यांच्यासह पाच भाऊ भावंडे ऊस तोडणीच्या कामासाठी आले होते.  7 डिसेंबर रोजी ऊसाच्या बांधवर असलेल्या ट्रॅक्टरमध्ये निता तिच्या लहान बहिणीला घेऊन चढण्याचा प्रयत्न करत होती. त्यावेळी ट्रॅक्टरमध्ये चालक सुनिल गुलाब राठोड हा होता. तर ट्रॅक्टरमध्ये चढताना निताचा पाय गिअरवर पडला. यामुळे ट्रॅक्टर पुढे सरकला आणि दोन्ही बहिणींच्या अंगावरून गेला. यात दोघींचा जागीच मृत्यू झाला. या प्रकरणी मोहोळ पोलीस ठाण्यात चालक सुनील राठोड यांच्या विरोधात गुन्हा दाखल झाला आहे.