Praniti Shinde : 'लोकसभेवेळी सोलापुरात होता मोठा प्लॅन' प्रणिती शिंदेंचा फडणवीसांवर गंभीर आरोप

लोकसभा निवडणुकीतील विजयानंतर कृतज्ञता मेळाव्यात खासदार प्रणिती शिंदे यांनी सोलापुरात जाहीर सभेला संबोधित केलं. या सभेतून प्रणिती शिंदे यांनी देवेंद्र फडणवीस यांच्यावर गंभीर आरोप केले. मतदानाच्या दोन दिवस आधी भाजप सोलापुरात दंगल लावणार होते. भाजपवाल्यांना लाज वाटायला पाहिजे. रक्ताने राजकारण करतात ही लोकं, असा गंभीर आरोप शिंदे यांनी फडणवीस आणि भाजपवर केला आहे.

सोलापूर लोकसभा निवडणूक काळात ते गावामध्ये जिल्ह्यात येऊन भांडण आणि दंगल लावण्याचा प्रयत्न करणार होते. मतदानाच्या दिवशी पोलिंगवर काय झालं होतं? सीपींनी सांगितलं होतं, जा बाहेर नाहीतर उमेदवारावर एफआयआर करावा लागेल. त्यावेळेस भाजपवाल्यांना कळलं होतं निवडणूक आपल्या हातातून गेली आहे. आता एकच उपाय आहे दंगल लावा. निवडणुकीत लोकांमध्ये विभागणी करा आणि निवडून या असं त्यांना सांगण्यात आलं होतं. त्यांची पाच दिवस अगोदरची भाषण काढून बघा, असं आव्हानही शिंदे यांनी दिलं आहे.