सुप्रिया सुळे यांनी भाच्याचा दावा खोडला? रोहित पवार यांच्या आरोपांची धार झटक्यात बोथट!

मुंबई : अजित पवार यांच्या अपघातग्रस्त विमानातील ब्लॅक बॉक्सचे मोठे नुकसान झाल्याचे सांगण्यात येत आहे. याच मुद्द्यावरून आमदार रोहित पवार यांनी सूचक विधान केले आहे. विमानातील ब्लॅक बॉक्स हा उन्हापासून, आगीपासून, बॉम्बस्फोटापासून सुरक्षित आहे पण राजकारण्यांपासून नाही असे त्यांनी म्हटले. त्यांच्या विधानावरून दबक्या आवाजात चर्चा सुरू असताना खासदार सुप्रिया सुळे यांनी मात्र वेगळा सूर लावला. ब्लॅक बॉक्समधली माहिती मिळेलच, मला त्यात काहीही अडचण वाटत नाही, असे त्या म्हणाल्या. रोहित पवार यांचा दावा खोडून काढल्याने त्यांच्या आरोपांची धार बोथट होणार का, अशी चर्चा आहे.