अजितदादांना सुनावलं, धनुभाऊंवर हल्लाबोल, मेहुण्यालाही सोडलं नाही, सुरेश धस यांचं आक्रमक भाषण

परभणी : धनंजय मुंडे यांना मंत्रिपदावरून दूर करण्याची मागणी जोर धरू लागलेली असतानाही राष्ट्रवादीचे अध्यक्ष अजित पवार यांनी मात्र मौनव्रत धारण केले आहे. या पार्श्वभूमीवर देशमुख हत्या प्रकरणात आक्रमक भूमिका घेतलेले भाजप आमदार सुरेश धस यांनी अजित पवार यांना जोरदार लक्ष्य केले. बीड आणि परळी जिल्ह्यात आतापर्यंत खुनांची मालिका झाली. या हत्या कुणी केल्या? खुनाचे मास्टरमाईंड कोण आहेत? याचा शोध घ्या, असे सांगतानाच धनंजय मुंडे यांना मंत्रिमंडळात का ठेवले आहे? अजितदादा तेरा वादा क्या हुआ रे...असा बोचरा सवाल सुरेश धस यांनी केला.