चाकणकर-खरातमध्ये १७७ कॉल, चाकणकरांच्या बहिणीचे २३६ कॉल, कोणत्या नेत्याचे किती फोन? अंधारेंनी आकडे सांगितले

मुंबई : नाशिकचा भोंदूबाबा अशोक खरात याची सध्या विशेष पोलीस पथकाकडून चौकशी सुरू आहे. महिला अत्याचार, त्याची गुन्हा करण्याची पद्धती, राजकारण्यांशी त्याचे असलेले संबंध, श्रद्धेच्या नावाखाली लोकांकडून उकळलेले पैसे, दहशतीतून लोकांकडून बळकावलेल्या जमिनी आदी मुद्द्यांशी संबंधित विशेष पोलीस पथक खरातची चौकशी करीत आहे. यादरम्यान पोलीस तपासातून धक्कादायक खुलासे समोर आले आहेत. अशोक खरात आणि राजकीय नेत्यांची किती जवळीक होती, हे सिद्ध करणारी फेसबुक पोस्ट शिवसेना उपनेत्या सुषमा अंधारे यांनी केली आहे. या पोस्टमधून त्यांनी रुपाली चाकणकर यांच्यासह सर्वपक्षीय राजकीय नेत्यांनी खरातला किती वेळा फोन केले, याची आकडेवारीच मांडली आहे. विशेष म्हणजे अशीच आकडेवारी सामाजिक कार्यकर्त्या अंजली दमानिया यांनीही मांडली आहे.