संपूर्ण महाराष्ट्रात अशी एकच रिक्षाचालक, ठाण्यातील करीनाचा डोळ्यांत पाणी आणणारा प्रवास

मुंबई: संघर्ष केला तर मार्ग नक्कीच सापडतो, हा तृतीयपंथी करीना आडे यांचा जीवन मंत्र आहे. ठाणे आणि नवी मुंबईच्या रस्त्यांवर ई-ऑटो चालवणाऱ्या त्या पहिल्या तृतीयपंथी चालक आहेत. ट्रान्सजेंडर असूनही रिक्षा चालवणं, समाजाच्या नजरा सहन करणं आणि स्वतःची नवी ओळख निर्माण करणं हे आव्हान त्यांनी पेललंय. या सर्व गोष्टींसाठी लागणारी जिद्द, चिकाटी आणि धैर्य यामुळे करीना यांनी स्वत:ची वेगळी ओळख निर्माण केलीये.