Kolhapur News: वाहतूक कोंडीत कोल्हापूरकरांचा 'श्वास' गुदमरतोय; उपमुख्यमंत्री अजित पवार लक्ष देतील का? 

कोल्हापूर : जिल्ह्याच्या विकास कामांवरून सत्ताधारी आणि विरोधकांमध्ये आरोप-प्रत्यारोप होत असले तरी कोल्हापूरवासियांनी अनेक प्रश्नांना सामोरं जावं लागत आहे, याकडे राजकीय नेते कधी लक्ष देणार असाही प्रश्न विचारला जात आहे. कोल्हापूर जिल्ह्यातील अनेक प्रश्नांबरोबर 'वाहतूक कोंडी' हा प्रश्न आता ऐरणीवर आला आहे. रोजच्या कोंडमाऱ्याचा त्रास सहन करणारे कोल्हापूरकर आता राज्यकर्त्यांना प्रश्न विचारू लागले आहे. वाहतूक कोंडीवर नेहमी चर्चा केली जाते. अनेक घोषणा आणि आश्वासनं दिली जातात. मात्र, त्याचं पुढे काही होत नाही, असाही सूर कोल्हापूरकांमध्ये उमटू लागला आहे.