Panvel: पनवेल रेल्वे स्थानकावर मोठी कारवाई, एका महिलेकडे सापडलं तब्बल 35 कोटींचं ड्रग्स

पनवेल रेल्वे पोलिसांच्या मदतीने पनवेल रेल्वे स्थानकावर ही कारवाई करण्यात आली. खबऱ्याकडून मिळालेल्या गुप्त माहितीच्या आधारे पनवेल रेल्वे पोलीस आणि बंगळुरू नारकोटिक्स नियंत्रण विभागाने स्टेशनवर सापळा रचला.  एक नायजेरियन महिला ही मंगला एक्स्प्रेसमधून प्रवास करत असल्याची माहिती मिळाली. एनसीबीच्या अधिकारी आणि पोलिसांनी आरोपी नायजेरियन महिला प्रवास करताना पनवेल स्टेशनवर पकडलं. या महिलेला खाली उतरवण्यात आलं, त्यानंतर तपासणी केली असता ड्रग्सचाा साठा सापडला. या महिलेकडून जप्त करण्यात आलेले मेथा नामक ड्रग्ज सध्या रेल्वे सुरक्षा दलाच्या (RPF) ताब्यात देण्यात आले आहेत. यामागील रॅकेट कोणते आहे, कोणत्या टोळीशी याचा संबंध आहे याबाबत बंगळुर एनसीबी आणि रेल्वे पोलीस संयुक्तरीत्या तपास करत आहेत. याप्रकरणी पुढील तपास सुरू असून, यात आणखी कोणाचा सहभाग आहे याचा शोध घेतला जात आहे.