Navratri 2025: तुळजाभवानी घेणार विश्रांती! आजपासून सुरू होणार देवीची मंचकी निद्रा

तुळजापूर: यावर्षी, 22 सप्टेंबरपासून (सोमवार) शारदीय नवरात्रीला सुरुवात होत आहे. यापार्श्वभूमीवर साडेतीन शक्तीपिठांपैकी एक असलेल्या तुळजापूरमधून एक महत्त्वाची बातमी समोर आली आहे. महाराष्ट्राचं कुलदैवत मानल्या जाणाऱ्या श्री तुळजाभवानी देवीची 'मंचकी निद्रा' आजपासून (14 सप्टेंबर) सुरू होत आहे. रविवारी संध्याकाळी पंचामृत अभिषेक झाल्यानंतर देवीची मंचकी निद्रा सुरू होणार आहे. ही निद्रा 22 सप्टेंबरपर्यंत चालणार आहे. त्यानंतर दुपारी तुळजाभवानी मंदिरात घटस्थापना करून शारदीय नवरात्रौत्सवास सुरुवात होईल.