Tuljapur News: बर्निंग बसचा थरार..! प्रवाशांनी भरलेल्या धावत्या एसटीने अचानक घेतला पेट, काहीच क्षणात जळून खाक

धाराशिव: तुळजापूर नळदुर्ग रोडवर शनिवारी दुपारी भीषण घटना घडली आहे. एका धावत्या एसटी बसने अचानक पेट घेतला. मात्र बसचालकाने प्रसंगावधान राखात वेळीच बस थांबवून सर्व प्रवाशांना सुखरूप बाहेर काढल्याने मोठा अनर्थ टळला. ही खळबळजनक तुळजापूरहून नलेगावकडे जाणाऱ्या चालत्या एसटी बसमध्ये घडली आहे.   अचानक एसटीने पेट घेतल्याने प्रवाशांची मोठी तारांबळ उडाली. या घटनेमध्ये सर्व प्रवासी सुखरूप असले तरी अचानक लागलेल्या या आगीच्या घटनेने प्रवासी चांगलेच भयभीत झाल्याचे बघायला मिळाले. बसमध्ये एकूण 40 प्रवासी होते.