मध्यरात्री वाशिमच्या नागरिकांची उडाली झोप, घरासमोरच्या गाड्या पेटवल्या, 'सायको'ची दहशत

किशोर गोमाशे, वाशिम: कारंजा शहरात लोकांची झोप उडाली आहे. रात्री उशिरा शहरातील तुषार कॉलनी परिसरात अज्ञाताने घरासमोर उभ्या असलेल्या दोन कारला आग लावून दिली. या भीषण आगीत दोन्ही कार जळून खाक झाल्या, फक्त सांगडा उरला असून खळबळ माजली आहे. मालकांचे लाखो रुपयांचे नुकसान झाले आहे. मोठ्या शहरात घडणारे 'गाड्या जाळण्याचे' प्रकार आता कारंजासारख्या शहरातही पोहोचल्याने सर्वसामान्यांमध्ये प्रचंड भीतीचे वातावरण पसरले आहे.