Marathi Melava : विजयी मेळाव्यात सरप्राइज एन्ट्री, शेवटच्या क्षणी मोठा बदल, समोर आली अपडेट

आज वरळीत होणाऱ्या मेळाव्यासाठी मनसे आणि शिवसेना ठाकरे गटाच्या कार्यकर्त्यांमध्ये उत्साहाचं वातावरण आहे. मुंबईतील या मेळाव्यासाठी उपस्थित राहण्यासाठी पुणे, नाशिकसह इतर भागातूनही कार्यकर्ते मुंबईकडे रवाना झाले आहेत. आज सकाळी 10 वाजण्याच्या सुमारास या मेळाव्याची सुरुवात होणार आहे. आजच्या मेळाव्यात राज्यातील विविध राजकीय पक्षांनादेखील उपस्थित राहण्याचे आवाहन ठाकरे गटाकडून करण्यात आले होते. मात्र, आता महाविकास आघाडीतील किती राजकीय पक्ष यावेळी उपस्थित राहणार, याकडेही राजकीय वर्तुळाचे लक्ष लागले आहे.

राष्ट्रवादी काँग्रेसचे शरद पवार गटाचे अध्यक्ष आणि ज्येष्ठ नेते शरद पवार देखील यावेळी उपस्थित राहणार असल्याची चर्चा होती. मात्र, शरद पवार यांनी आपल्या पूर्वनियोजित कार्यक्रमामुळे अनुपस्थित राहणार असल्याचे सांगितले. त्यामुळे याची चांगलीच चर्चा रंगली. शरद पवार यांच्या अनुपस्थित राष्ट्रवादीकडून जितेंद्र आव्हाड उपस्थित राहतील असे म्हटले जात होते.

आजच्या मेळाव्यात मात्र एक सरप्राइज एन्ट्री होणार आहे. राष्ट्रवादी काँग्रेसच्या शरद पवार गटाच्या कार्याध्यक्षा सुप्रिया सुळे या विजयी मेळाव्याला हजर राहणार आहेत. या मेळाव्यात सुप्रिया सुळे यांचेदेखील भाषण होण्याची शक्यता आहे. या विजयी मेळाव्यात प्रत्येक पक्षाकडून एक नेता भाषण करणार आहे. सगळ्यात शेवटी उद्धव ठाकरे यांचे भाषण होणार असून, त्याआधी राज ठाकरे यांचे भाषण होणार आहे.