शिवाजी महाराजांसमोर राज्यपाल कोण? महापौर बंगल्यात स्मारक झालंच ना, उदयनराजे आक्रमक

सातारा: पर्यावरणीय कारणांमुळे अरबी समुद्रातील प्रस्तावित शिवस्मारकाचे काम होऊ शकले नाही. त्यामुळे राज्य आणि केंद्र सरकारने विचारात घेऊन राज्यपालांच्या निवासस्थानाच्या ४८ एकर जागेवर शिवस्मारक करावे, अशी शिवभक्तांची मागणी असल्याचे खासदार उदयनराजे यांनी केंद्रीय गृहमंत्री अमित शाह यांच्या समोरच रायगडावर झालेल्या कार्यक्रमात सांगितले. आजही त्यांनी या मागणीचा पुनरुच्चार करताना राज्यपाल भवनच्या जागेत शिवस्मारकाची आग्रही मागणी केली. तसेच शिवाजी महाराजांसमोर राज्यपाल कोण आहेत? मुंबईतील महापौर बंगल्यात स्मारक झालंच ना, असे म्हणत त्यांनी महापौर बंगल्यातील बाळासाहेब ठाकरे यांच्या स्मारकाकडे अप्रत्यक्षपणे लक्ष वेधले.