वंचितला 2 आणि काँग्रेसला 1 जागा तरी उल्हासनगरमध्ये किंगमेकर, डाव कसा उलटला?

ठाणे : उल्हासनगर पालिकेच्या निवडणुकीत महायुती फिस्कटल्याने शिवसेना, टीम ओमी कलानी व साई पक्षाची आघाडी आणि भाजपमध्ये थेट लढत झाली. त्यामुळे दोन्ही पक्षांना प्रत्येकी 37 जागा मिळाल्या. वंचितला दोन आणि काँग्रेसने केवळ एका जागेवर विजय मिळविला आहे. ठाकरे बंधूंना खातेही उघडता आले नाही; मात्र तरीही सत्तेचे गणित जुळवण्यासाठी काँग्रेस, वंचित आणि इतरांची भूमिका निर्णायक असणार आहे. कारण सत्तेच्या जवळ जाण्यासाठी जादूई आकडा गाठण्यासाठी त्यांना इतर पक्षाची मदत घ्यावी लागणार आहे.  उल्हासनगर महानगरपालिकेच्या निवडणुकीत कोणत्याही एका पक्षाला स्पष्ट बहुमत मिळाले नसल्याने महापालिकेत त्रिशंकू स्थिती निर्माण झाली आहे. एकूण 78 जागांच्या महापालिकेत बहुमतासाठी 40 जागांचा आकडा आवश्यक असताना प्रमुख पक्ष या आकड्यापासून थोडेसे दूर राहिले आहेत.