Nashik Water Supply: नाशिककर आजच भरून घ्या पाणी, शनिवारी संपूर्ण शहरात पाणीबाणी

नाशिक: नाशिककरांसाठी महत्त्वाची बातमी आहे. शनिवारी स्मार्ट सिटी कंपनीमार्फत फ्लोमीटर बसवण्याची कामे, तसेच पाणीपुरवठा विभागाकडून देखभाल व दुरुस्तीची कामे हाती घेण्यात आली आहेत. त्यामुळे 20 सप्टेंबर रोजी संपूर्ण नाशिक शहराचा पाणीपुरवठा बंद राहणार आहे. तसेच रविवारी सकाळी कमी दाबाने पाणीपुरवठा होणार आहे. त्यामुळे गैरसोय टाळण्यासाठी शुक्रवारीच भरपूर पाणी भरून ठेवण्याचे आवाहन करण्यात आले आहे.