Weather Update : राज्यात थंडीची चाहूल, 4-5 दिवसात तापमानाचा पारा घसरणार; हवामान विभागाचा अंदाज

मुंबई, 13 डिसेंबर : राज्यातील तापमान आता कमी होत चालले असून थंडीची चाहूल लागली आहे. उत्तर महाराष्ट्रासह विदर्भात किमान तापमानात घट होताना दिसत आहे. चंद्रपूरमध्ये १३ अंश सेल्सिअस तापमानाची नोंद झाली. अग्नेय अरबी समुद्रात मालदीव बेटांजवल समुद्रसपाटीपासून ३.१ किमी उंचीवर चक्राकार वाऱ्यांची स्थिती कायम आहे. परिणामी राज्यात आकाश निरभ्र असून पहाटेच्या सुमारास हवेत गारठा वाढला आहे. पहाटे गारठा आणि दुपारी ऊन असं चित्र राज्यात सध्या आहे. पहाटे तुरळक धुकेही पडत आहे. राज्याच्या किमान तापमानात घट होण्याची शक्यता आहे.