तलाठी-तहसीलदाराचा पगार किती? त्यांची निवड कशी केली जाते?

राष्ट्रवादीचे अध्यक्ष आणि राज्याचे उपमुख्यमंत्री अजित पवार यांचे पुत्र पार्थ पवार यांच्यावर गंभीर आरोप झाला आहे. पार्थ पवार यांच्या मालकीच्या कंपनीने पुण्यातील कोरेगाव पार्क येथील 40 एकर सरकारी जमीन अत्यंत कमी किमतीत खरेदी केल्याचा दावा करण्यात आला आहे. या पार्श्वभूमीवर सरकारवर चहुबाजूने टीका होऊ लागल्यानंतर मुख्यमंत्री देवेंद्र फडणवीस यांच्याकडून पुणे तहसीलदार सूर्यकांत येवले यांचं निलंबन करण्यात आलं आहे.तर, दुसरीकडे पुणे तहसीलदार सूर्यकांत येवले तत्काळ प्रभावाने निलंबित करण्यात आले आहेत. हवेली क्रमांक तीनचे दुय्यम उपनिबंधक रविंद्र तारू निलंबित यांचेही निलंबन करण्यात आले आहे.

या सगळ्या प्रकरणानंतर आता तहसिलदार आणि तलाठ्याला नेमका किती पगार असतो याची चर्चा होत आहे. साधारणपणे तलाठ्याला 25,000 ते 81,000 रुपयांच्या आसपास पगार असतो. तहसीलदाराचा महिन्याला पगार 55,000 ते 1 लाख 75000 पर्यंत असतो. याशिवाय तहसीलदाराला घरभाडे, वाहतूक भत्ता आणि इतर सरकारी भत्त्यांचे लाभ मिळतात. MPSC गट अ अंतर्गत या पदावर निवड केली जाते. त्यामुळे ज्यांना तहसीलदार व्हायचं आहे त्यांना MPSC गट अ अंतर्गत परीक्षा द्यावी लागणार आहे. मूळ वेतनासोबत भत्ते जोडल्यामुळे एकूण पगार 55,100 पेक्षा जास्त असतो. तलाठ्याला पगाराव्यतिरिक्त 2400 रुपयांचा ग्रेड पे मिळतो. 34 टक्के महागाई भत्ता आणि HRA 30 टक्के मूळ पगारावर आधारित मिळतो. तलाठी भरतीचे अर्ज निघतात तिथून अर्ज करता येतो. तलाठी भरतीसाठी किमान पदवीधर असणे आवश्यक आहे. तसेच, उमेदवारांना मराठी आणि हिंदी भाषांवर प्रभुत्व असणे आणि एमएससीआयटी (MS-CIT) किंवा समकक्ष पात्रता असणे गरजेचे आहे.

पार्थ पवारांच्या अमेडिया होल्डिंग्ज एलएलपी कंपनीनं घेतली जमीन