'डोमकावळ्या म्हणत अजितदादांचं पार्थिव हॉस्पिटलमध्ये असताना काय घडलं बाहेर काढू', तटकरेंनी रोहित पवारांना सुनावलं

"अशा प्रकारची मांडणी सुरू आहे. सुनेत्रा पवार, पार्थ, जय पवार यांच्याबद्दल कमालीचा द्वेष निर्माण होत आहे. वहिनींच्या नेतृत्वाखाली मी, प्रफुल्ल पटेल, छगन भुजबळ आणि ४० आमदार आहे. आणि संघटन ज्या पद्धतीने काम करत आहे, त्याच्यामुळे स्वत: च्या राजकीय अस्तित्वाची भीती जाणवत असल्यामुळे तशी वक्तव्य करत आहे. प्रत्येक दिवस हा प्रसिद्धीसाठी आहे म्हणून काहीही बोलायचं. एकतर आपल्या पक्षात काय चाललं हे पाहावं.  जयंत पाटील सारख्या नेत्याने ४० वर्ष  काम केलं. त्यांची हकालपट्टी करण्याची मागणी शिर्डीच्या महाअधिवेशनामध्ये शरद पवार उपस्थितीत असताना केली होती, असे हे महाभाग आहे. त्यांनी आता आमच्या पक्षाबद्दल बोलणं थांबवलं पाहिजे. खूप काही बोलण्यासारखं आहे. १९९९ सालापासून ते अजितदादांच्याविरोधात  मृत्यूपर्यंत जी काही कटकारस्थानं झाली आज तीच कटकारस्थानं वहिणी, पार्थ आणि जय पवार यांच्याविरोधात केली जात आहे. ही कटकारस्थानं मी आणि आमचे कार्यकर्ते हाणून पाडतील, असंही तटकरेंनी ठणकावून सांगितलं.