'चल तुला खाऊ देतो', आमिष दाखवलं पण पोरीने वेळीच ओळखलं, आरडाओरड केला अन् गावाने...

मिळालेल्या माहितीनुसार, कात्यायनी गिरगाव रस्त्यावरील परिसरात संबंधित मुलगी घरासमोर उभी असताना आरोपी तरुणाने तिच्याशी बोलण्याचा बहाणा करत तिला खाऊ घेऊन देतो म्हणून जवळ बोलावलं आणि जबरदस्ती करण्याचा प्रयत्न केला. अचानक झालेल्या या प्रकाराने मुलगी घाबरली आणि तिने मुलीने आरडाओरड केली. तिच्या आवाजाने स्थानिक नागरिकांनी तात्काळ धाव घेत आरोपीला पकडले.

घटनास्थळी जमा झालेल्या नागरिकांनी आरोपीला चोप देत पोलिसांना कळवले. पोलिसांनी तत्काळ ताबा घेत त्याच्यावर गुन्हा दाखल केला आहे. आरोपीची प्राथमिक चौकशी सुरू असून, त्याचे अन्य कोणत्याही प्रकरणांशी संबंध आहेत का, याचीही माहिती घेतली जात आहे.

दरम्यान, आठवडाभरापूर्वी याच भागात एका अल्पवयीन मुलीवर अत्याचाराचा प्रयत्न झाल्याने परिसरात भीतीचे वातावरण होते. सलग दोन घटना घडल्याने स्थानिक नागरिकांत संताप व्यक्त होत असून, या भागात पोलिस गस्त वाढवावी, अशी मागणी रहिवाशांकडून केली जात आहे. या प्रकरणाने पुन्हा एकदा अल्पवयीन मुलींच्या सुरक्षेचा प्रश्न ऐरणीवर आला असून, पालकांनी अधिक सतर्क राहण्याची गरज आहे.

64 वर्षीय बाबा भागवत या आरोपीला अटक करून त्याच्या विरुद्ध ऍट्रॉसिटी आणि पोस्को अंतर्गत गुन्हा दाखल केला आहे. या नराधमाने एका 7 वर्षीय मुलावर अत्याचार केला शिवाय त्याची शहरातील एका भागात असलेली लॉन्ड्रीच्या दुकानात प्रेस करण्यासाठी कपडे घेऊन येणाऱ्या लहान मुलांशी अश्लील चाळे करून लैंगिक अत्याचार करीत असल्याचे डिवायएसपी बाजीराव महाजन यांनी सांगितले. आरोपी बाबाचे लॉन्ड्रीचे दुकान आहे. या दुकानात जी लहान मुले कपडे घेऊन येत असे त्या मुलांसोबत अश्लील चाळे करणे, त्यांना जवळ घेणे,अनैसर्गिक पद्धतीचे चाळे करत असे. हे प्रकरण समोर आल्यानंतर फिर्यादीने पोलीस स्थानकात धाव घेतली. पोलिसांनी तात्काळ नराधमाला अटक केली असून फॉरेन्सिक टीमला पाचारण केले. फॉरेन्सिक टीमने पुरावे गोळा केले असून आरोपीवर कठोरात कठोर कारवाई करण्याची मागणी नातेवाईकांनी केली आहे.