वांग्याच्या शेतीतून शेतकऱ्याची कमाल, 50 हजार खर्चात लाखोंचं उत्पन्न, कोणती व्हरायटी वापरली?

पूर्णिया : शेती करत असताना जर शेतकऱ्याने योग्य वाण लावलं आणि चांगल्याप्रकारे काळजी घेतली तर अगदी कमी खर्चात शेतकरी चांगले पैसे कमावू शकतो, हे एका शेतकऱ्याने सिद्ध केले आहे. वांग्याच्या शेतीच्या माध्यमातून हा शेतकरी मालामाल झाला आहे. तर मग हा शेतकरी वांग्याची नेमकी कोणती व्हरायटी वापरतो, ते बियाणं कुठून आणतो, याबाबत लोकल18 च्या टीमने त्यांच्याशी संवाद साधला.

राजेश कुमार असे या शेतकऱ्याचे नाव आहे. ते बिहारच्या पूर्णिया जिल्ह्यातील ठाढा गावातील रहिवासी आहेत. मागील 3 वर्षांपासून ते वांग्याची शेती करत आहेत. हे वांगे बंगालच्या व्हरायटीचे वांगे आहे. वर्षभर ही वांगी येतात. यामुळे चांगले उत्पादन होते आणि त्यामुळे ते वांग्याच्या शेतीच्या माध्यमातून चांगला नफा कमावत आहेत.

ते म्हणाले की, आता ते विविध प्रकारच्या हंगामी भाज्यांचीही लागवड करतात. यावेळी त्यांनी आपल्या अडीच बिघा शेतीपेक्षा जास्त शेतीत ब्लू वांगे बंगालची व्हरायटी असलेल्या वांग्याची लागवड केली आहे. यासाठी त्यांनी बाहेरुन बियाणे मागवले आणि त्याची लागवड केली. ही शेती पूर्णपणे सेंद्रिय पद्धतीवर आधारित आहे.

राजेश कुमार सांगतात की, त्यांच्या शेतातील वांग्याचा आकार 12 इंचपर्यंत असतो. वांगी खायला खूप चविष्ट आणि वजनदार दिसते. वांग्याची शेती करणे इतर शेतकऱ्यांसाठी कठीण असते. जास्त मेहनत लागल्याने अनेक शेतकरी या यशस्वी होत नाही. मात्र, वांग्याची शेती करताना काही गोष्टींकडे विशेष लक्ष देणे गरजेचे आहे. अनेक कीटकनाशक आणि आजारांचा प्रादुर्भाव वांग्यांवर पडू नये यासाठी वेळोवेळी औषध फवारणी करणे महत्त्वाचे आहे.