बिगारी म्हणून काम केलं, आता वर्षाला दीड कोटींची कमाई, ही कृषी झुंज खऱंच प्रेरणादायी!

धाराशिव: हवामान, पाणी आणि निसर्गाचा लहरीपणा यामुळे शेती ही बेभरवशाची मानली जाते. परंतु, काही शेतकरी यातूनही मार्ग काढत प्रयोगशील शेती करतात आणि एक नवा आदर्श निर्माण करतात. धाराशिवमधील रामराजे गोरे आणि बंधू नागेश गोरे या करोडपती शेतकरी बंधूंची 'कृषी झुंज' अनेकांसाठी प्रेरणादायी ठरणारा आहे. कधीकाळी नाला बिल्डिंगवर बिगारी म्हणून काम करणारे गोरे बंधूंची आता वर्षाची कमाई दीड कोटी रुपये आहे.

गोरे बंधू मूळचे धाराशिवमधील भूम तालुक्यातील अंतरगावचे आहेत. 1993 मध्ये रामराजे गोरे यांचं दहावीचं शिक्षण झालं. घरची परिस्थिती बेताची होती. त्यामुळे ते नाला बिल्डिंगवर बिगारी कामाला जायचे. त्यानंतर सैन्य भरतीसाठी प्रयत्न केले. मात्र अपयश आलं. पुन्हा त्यांनी पुणे गाठलं आणि टेल्को ग्रुपमध्ये काही काळ काम केलं. हे सगळं सुरू असतानाच त्यांना शेतीत काहीतरी करण्याची इच्छा होती.

दरम्यान, गोरे बंधूंच्या स्कॉर्पिओ आणि बुलेटवर कृषी झुंज असं नाव आहे. नाला बिल्डिंगवर काम करणारा बिगारी ते करोडपती शेतकरी असा गोरे बंधूंचा प्रवास अनेकांसाठी प्रेरणादायी आहे.