काय सांगता! 11 विमान कंपन्यांनी प्रवाशांना वाटले 564 लाख रुपये; पण का? तुम्हाला मिळाले?

देशातील प्रमुख विमान कंपन्यांनी बोर्डिंग नाकारणे, फ्लाइट रद्द होणे, फ्लाइटला दोन तासांपेक्षा जास्त उशीर होणे, अशा समस्यांना सामोरं गेलेल्या प्रवाशांवर मोठी रक्कम खर्च केलीआहे. नागरी विमान वाहतूक महासंचालनालय अर्थात डीजीसीएच्या आकडेवारीनुसार या तीन कारणांमुळे सर्वाधिक त्रास झालेले प्रवासी इंडिगोचे होते.

जुलै महिन्यात इंडिगोचे सुमारे 2,89,193 प्रवासी बोर्डिंग नाकारणे, फ्लाइट रद्द होणे किंवा फ्लाइटला उशीर होणे, अशा समस्यांना सामोरे गेलेत. यापैकी इंडिगोच्या 36 प्रवाशांना बोर्डिंग नाकारण्याचा सामना करावा लागला. तर, 1,23.588 प्रवाशांना फ्लाइट रद्द झाल्याचा फटका बसलाय. याशिवाय 2,89,193 प्रवाशांच्या फ्लाइटला दोन तासांपेक्षा जास्त उशीर झाला.

डीजीसीएच्या आकडेवारीनुसार इंडिगोनं बोर्डिंग नाकारलेल्या 36 प्रवाशांना 3.45 लाख रुपये नुकसान भरपाई व इतर सुविधा देण्यासाठी खर्च केलेत. यानंतर एअर इंडिया कंपनीच्या सुमारे 68743 प्रवाशांना बोर्डिंग नाकारणे, फ्लाइट रद्द होणे, फ्लाइटला उशीर होण्याचा फटका बसला आहे. आकडेवारीनुसार एअर इंडियानं बोर्डिंग नाकारल्यामुळे त्रासलेल्या 822 प्रवाशांना 93.02 लाख रुपये, फ्लाइट रद्द झालेल्या प्रवाशांना 75.77 लाख रुपये आणि फ्लाइटला दोन तासांपेक्षा जास्त उशीर झालेल्या प्रवाशांना 108.36 लाख रुपये नुकसान भरपाई म्हणून दिल्याचं आकडेवारीनुसार दिसून येते.

अकासा एअरनं बोर्डिंग नाकारलेल्या 22 प्रवाशांना 1.09 लाख, फ्लाइट रद्द झालेल्या 1105 प्रवाशांना 11.47 लाख आणि फ्लाइटला दोन तासांपेक्षा जास्त उशीर झालेल्या 20585 प्रवाशांना 51.59 लाख रुपये नुकसान भरपाई दिली आहे. तर, स्पाइस जेटनं बोर्डिंग नाकारलेल्या 113 प्रवाशांना 1.27 लाख, फ्लाइट रद्द झालेल्या 11311 प्रवाशांना 9.17 लाख आणि फ्लाइटला दोन तासांपेक्षा जास्त उशीर झालेल्या 43521 प्रवाशांना 92.73 लाख रुपये नुकसान भरपाई दिली आहे.

याशिवाय विस्तारा कंपनीनं बोर्डिंग नाकारलेल्या 121 प्रवाशांना 13.89 लाख, फ्लाइट रद्द झालेल्या 66 प्रवाशांना 0.03 लाख आणि फ्लाइटला दोन तासांपेक्षा जास्त उशीर झालेल्या 6061 प्रवाशांना 18.23 लाख रुपये नुकसान भरपाई दिली आहे. फ्लाई बिगच्या 106 प्रवाशांना फ्लाइट रद्द झाल्याचा फटका बसलाय. तर इंडिया वन एअरच्या 143 प्रवाशांना फ्लाइट रद्द झाल्याचा फटका बसला असून त्यांना नुकसान भरपाईपोटी 4.39 लाख रुपये देण्यात आलेत. याशिवाय स्टार एअरच्या 352 प्रवाशांना फ्लाइट रद्द झाल्याचा फटका बसलाय. तर, फ्लाई91 च्या फ्लाइट रद्द झालेल्या 367 प्रवाशांना 3.76 लाख आणि फ्लाइटला दोन तासांपेक्षा जास्त उशीर झालेल्या 136 प्रवाशांना 2.68 लाख रुपये नुकसान भरपाई देण्यात आली आहे.