Ayushman योजनेसाठी या मोबाईल अ‍ॅपने करा अप्लाय! 5 लाखांपर्यंत फ्री मिळतील उपचार

केंद्रीय आरोग्य मंत्रालयाने मंगळवारी त्यांच्या सोशल मीडिया अकाउंटवर एक पोस्ट केली होती. आरोग्य मंत्रालयाने या पोस्टद्वारे माहिती दिली होती की 70 वर्षांपेक्षा जास्त वयाचे लोक आता आयुष्मान अ‍ॅपद्वारे आयुष्मान वय वंदना कार्ड मिळवू शकतात आणि 5 लाख रुपयांपर्यंतचे मोफत उपचार घेऊ शकतात. आरोग्य मंत्रालयाने एक व्हिडिओ देखील जारी केला आहे, ज्यामध्ये आयुष्मान वय वंदना कार्ड मिळवण्याची संपूर्ण प्रक्रिया दर्शवली आहे. यासाठी तुमच्याकडे आधार कार्ड आणि मोबाईल नंबर आधार कार्डशी लिंक केलेला असणे आवश्यक आहे.

देशातील गरीब वर्गाला मोफत वैद्यकीय उपचार देण्यासाठी पंतप्रधान नरेंद्र मोदी यांनी 2017 मध्ये 'प्रधानमंत्री जन आरोग्य' योजना सुरू केली होती. तसंच, या योजनेत एक महत्त्वाचा बदल करण्यात आला. आता 70 वर्षांवरील सर्व लोकांना या योजनेत समाविष्ट करण्यात आले आहे. 'प्रधानमंत्री जन आरोग्य' ही एक प्रकारची कॅशलेस आरोग्य विमा योजना आहे. ज्या अंतर्गत निवडक रुग्णालयांमध्ये फ्री उपचार घेता येतात. प्रधानमंत्री जन आरोग्य योजनेअंतर्गत, रुग्णालयात दाखल होण्याच्या 3 दिवस आधी आणि डिस्चार्ज झाल्यानंतर 15 दिवसांनी चाचण्या, औषधे इत्यादी सर्व वैद्यकीय खर्च देखील कव्हर केले जातात.