Success Story : घरातून सुरू केले मसाल्यांचे काम, अश्विनी यांचा ब्रँड ठरला हिट, महिन्याला अडीच लाखांची उलाढाल

छत्रपती संभाजीनगर : वैजापूर तालुक्यातील लोणी बुद्रुक येथील अश्विनी डेहाळे या गेल्या पाच वर्षांपासून वाळूज एमआयडीसी परिसरात विविध प्रकारच्या मसाल्यांची निर्मिती करतात. खडे मसाले, चटणी, मिरची पावडर, काळा मसाला तयार करून या उत्पादनांची विक्री देखील करतात. त्यांच्याकडे जवळपास दीडशे प्रकारचे वेगवेगळे मसाले तयार केले जातात. साधारणपणे या व्यवसायाच्या माध्यमातून अश्विनी डेहाळे यांची महिन्याला 2 ते अडीच लाखांची उलाढाल होते. तसेच त्यांनी 30 ते 35 महिलांना रोजगार उपलब्ध करून दिला आहे. नेमकी या मसाल्यांची निर्मिती कशा पद्धतीने केली जाते, इतर महिलांनी हा व्यवसाय कशा पद्धतीने करावा याबद्दल संपूर्ण माहिती जाणून घेऊ.