Budgetमधील मोठी बातमी, 75 वर्षांत पहिल्यांदाच असं होणार; एका बदलामुळे अर्थतज्ज्ञही चक्रावले, उद्या काय घडणार?
- Published by:Jaykrishna Nair
Last Updated:
Union Budget 2026: 1 फेब्रुवारी रोजी सादर होणारा केंद्रीय अर्थसंकल्प यंदा ऐतिहासिक ठरण्याची चिन्हे आहेत. 75 वर्षांतील बजेट सादरीकरणाची परंपरा मोडत, यंदा बजेटच्या फॉरमॅट आणि मांडणीत मोठा बदल होण्याची शक्यता आहे.
नवी दिल्ली: रविवारी म्हणजेच 1 फेब्रुवारी रोजी केंद्रीय अर्थसंकल्प सादर होणार आहे. यंदाचा बजेट अनेक अर्थांनी ऐतिहासिक ठरण्याची शक्यता आहे. कारण गेल्या 75 वर्षांत सादर झालेल्या सर्व बजेट्सपेक्षा यंदाचा बजेट फॉरमॅट आणि मांडणी वेगळी असणार असल्याचे संकेत सरकारी सूत्रांनी दिले आहेत.
सूत्रांच्या माहितीनुसार यंदा अर्थमंत्री निर्मला सीतारमण यांच्या बजेट भाषणात Part B वर विशेष भर दिला जाणार आहे. आतापर्यंत Part A मध्येच बहुतांश धोरणात्मक मुद्दे आणि माहिती दिली जात होती. तर Part B मुख्यतः करसंबंधी घोषणांपुरता मर्यादित असायचा. मात्र यंदा ही रचना बदलताना दिसू शकते.
Part B का ठरणार यंदाच्या बजेटचा कणा?
सरकारी सूत्रांचे म्हणणे आहे की, यावेळी Part B मध्ये केवळ तत्काळ निर्णयच नव्हे, तर दीर्घकालीन आर्थिक उद्दिष्टे आणि धोरणात्मक दिशा सविस्तरपणे मांडली जाणार आहे.
advertisement
हा भाग पुढील काही वर्षांसाठी:
भारताची आर्थिक विचारधारा
प्राधान्यक्रम
दीर्घकालीन व्हिजन
यांचे स्पष्ट चित्र देणारा ठरू शकतो. विशेष म्हणजे भारताच्या देशांतर्गत क्षमतांना (domestic capabilities) जागतिक पातळीवर कसे सादर करायचे, याचा रोडमॅपही Part B मध्ये समोर येण्याची शक्यता आहे.
देशापुरते मर्यादित नाही, जागतिक लक्ष Part B कडे
याच कारणामुळे यंदाच्या बजेटमधील Part B केवळ भारतीय गुंतवणूकदारांसाठीच नव्हे, तर जगभरातील अर्थशास्त्रज्ञ, धोरणकर्ते आणि जागतिक संस्थांसाठीही महत्त्वाचा ठरणार आहे. या भागातून केवळ पुढील आर्थिक वर्ष नव्हे, तर भारत पुढील दशकात कोणत्या दिशेने जाणार आहे, याची झलक मिळू शकते.
advertisement
बजेटचे Part A आणि Part B म्हणजे काय?
साधारणपणे केंद्रीय बजेट दोन भागांत सादर केले जाते.
Part A मध्ये:
अर्थव्यवस्थेची दिशा
विकासाची रणनीती
कृषी, पायाभूत सुविधा, शिक्षण, आरोग्य
ग्रामीण विकास, MSME
विविध योजनांचे खर्च व आवंटन
यांचा समावेश असतो.
Part B मध्ये:
इनकम टॅक्स
कस्टम आणि ट्रेड टॅरिफ
Make in India
देशांतर्गत उत्पादनाला प्रोत्साहन
advertisement
निर्यात वाढीसाठी करसवलती
यांसारख्या करसंबंधी घोषणांवर भर असतो.
मागील बजेटमध्ये काय होते?
2025-26 च्या बजेटकडे पाहिले, तर...
Part A मध्ये कृषी, MSME, गुंतवणूक, निर्यात, फायनान्शियल सेक्टर सुधारणा आणि फिस्कल कन्सॉलिडेशनवर भर होता.
Part B मध्ये आयकर सवलती, TDS/TCS मधील बदल, रिटर्न भरण्यात सुलभता आणि बेसिक कस्टम ड्यूटीत सूट यासंबंधी घोषणा करण्यात आल्या होत्या.
advertisement
यंदा मात्र Part B चा आवाका अधिक व्यापक आणि धोरणात्मक असण्याची शक्यता व्यक्त केली जात आहे.
Location :
Mumbai,Maharashtra
First Published :
Jan 31, 2026 9:05 PM IST
मराठी बातम्या/मनी/
Budgetमधील मोठी बातमी, 75 वर्षांत पहिल्यांदाच असं होणार; एका बदलामुळे अर्थतज्ज्ञही चक्रावले, उद्या काय घडणार?
