2 आठवड्यांतील सर्वात कमी भाव! सोनं खरेदीसाठी योग्य वेळ आली? तज्ज्ञांनी दिलं थेट उत्तर

तुमची सोन्यात आधीपासून गुंतवणूक असेल, तर अजिबात घाबरू नका. सध्याची किंमत थोडी खाली-वर होणं हे साहजिक आहे. ही एक एक छोटी विश्रांती असं समजायचं, विकायची घाई करायची नाही म्हणजे थोडा ब्रेक घेतल्यासारखं. दीर्घकाळात सोन्याचे भाव पुन्हा चढू शकतात.

शॉर्ट टर्म ट्रेडर्ससाठी:

सोनं 3400 डॉलच्या वर बंद झालं, तरच नव्या पोजिशन्स घ्या. नाहीतर थोडा वेळ वाट पाहा. आताच खरेदी केली तर तोटा होऊ शकतो. अति घाई संकटातही नेऊ शकते त्यामुळे थोडं सबुरीनं दर कसे चालतात त्याचा ट्रेन्ड लक्षात घेऊनच सोनं खरेदी करा.

एसआयपी गुंतवणूक करणाऱ्यांसाठी:

जर तुम्ही दर महिन्याला थोडं थोडं गुंतवत असाल, तर ही सवय चालूच ठेवा. कारण सोन्याचा आधार अजूनही मजबूत आहे. हे दीर्घकाळासाठी चांगलं परतावं देतं. तुमच्या पोर्टफोलिओमध्ये वैविध्य ठेवा. सोन्या चांदीत अशी गुंतवणूक करणं फायद्याचंच राहील.

पुढे काय होऊ शकतं?

जर इराण-इजरायलमधला तणाव वाढला किंवा अमेरिका-फेडकडून काही मोठा धोरणात्मक बदल झाला, तर सोनं पुन्हा 3400 डॉलर पार करू शकतं. पण तसं होईपर्यंत बाजार शांत राहील. केडिया कमोडिटीचे एमडी अजय केडिया म्हणतात, सध्या सोनं जरा जास्त महाग आहे. त्यामुळे पुढील काही आठवड्यांत त्यात १० ते १५ टक्क्यांची घसरण होऊ शकते. त्यामुळे अजून गुंतवणूक करताना जपून पावलं टाका. सोन्यातील सध्याची स्थिरता ही तात्पुरती आहे. नवे ट्रिगर आल्यावर तेजी पुन्हा येऊ शकते. त्यामुळे घाई न करता विचारपूर्वक गुंतवणूक करावी. संयम ठेवा, फायदा तुमचाच होईल!