Gold News : सोनं-चांदीचे दर घसरले, ETF गुंतवणूकदारांचं टेन्शन वाढलं, आता काय करावं? एक्सपर्टने मोलाचं सांगितलं...
- Published by:Shrikant Bhosale
Last Updated:
Gold Silver ETF : सोने आणि चांदीच्या ईटीएफमध्ये आता मोठी घसरण झाली आहे. सोने आणि चांदीच्या ईटीएफमध्ये सरासरी ६ टक्के आणि चांदीच्या ईटीएफमध्ये जवळपास ९ टक्क्यांची घट झाली आहे.
Gold Price : गेल्या महिन्यात झालेल्या जोरदार तेजीनंतर, सोने आणि चांदीच्या ईटीएफमध्ये आता मोठी घसरण झाली आहे. सोने आणि चांदीच्या ईटीएफमध्ये सरासरी ६ टक्के आणि चांदीच्या ईटीएफमध्ये जवळपास ९ टक्क्यांची घट झाली आहे. मात्र, बहुतेक बाजार तज्ञांचा असा विश्वास आहे की ही घसरण दीर्घकालीन गुंतवणूकदारांसाठी समस्या नाही, तर त्यांच्या पोर्टफोलिओचे पुनर्संतुलन करण्याची संधी आहे. गुंतवणूकदारांना अल्पकालीन हालचालींमध्ये अडकण्याऐवजी एसआयपी किंवा पोर्टफोलिओ रिबॅलन्स करण्याचा पर्याय अवलंबण्याचा सल्ला दिला जात आहे.
गेल्या काही महिन्यांत सोने आणि चांदीच्या किमतीत मोठी तेजी दिसून आली. एमसीएक्स सोन्याने प्रति १० ग्रॅम १ लाख ३४ हजार रुपये या विक्रमी उच्चांकाला स्पर्श केला, तर चांदीमध्येही मोठी तेजी दिसून आली. मात्र, ऑक्टोबरनंतर बाजारात उलटफेर झाला आणि गेल्या महिन्यात सोने आणि चांदीच्या दोन्ही ईटीएफमध्ये मोठी घसरण दिसून आली.
>> एक महिन्यात Gold-Silver ETF मध्ये किती घसरण ?
advertisement
> गोल्ड ईटीएफ - सरासरी ६.५१% ची घसरण
> एलआयसी एमएफ गोल्ड ईटीएफ एफओएफ - - ७.९१% (सर्वोच्च घसरण)
> एलआयसी एमएफ गोल्ड ईटीएफ - -५.३३% (सर्वोच्च घसरण)
> सिल्व्हर ईटीएफ - सरासरी ९.१८% ची घसरण
> कोटक सिल्व्हर ईटीएफ - -९.९९% (सर्वोच्च घसरण)
> डीएसपी सिल्व्हर ईटीएफ एफओएफ - -६.८१% (सर्वोच्च घसरण)
advertisement
>> एवढी घसरण का झाली?
> जागतिक घटकांचा परिणाम
अमेरिका-चीन तणाव कमी झाल्यामुळे सुरक्षित गुंतवणुकीची मागणी कमी झाली आहे. फेडने आक्रमक दर कपातीची अपेक्षा कमी केली आहे, ज्यामुळे सोन्यावर दबाव आला आहे. डॉलर निर्देशांक वाढला. तीव्र तेजीनंतर नफा वसुली होणेदेखील सामान्य समजले जाते.
> देशांतर्गत बाजारात नफा वसुली
एमसीएक्स गोल्डने विक्रमी उच्चांक गाठल्यानंतर गुंतवणूकदारांनी नफा मिळवला. सोने आणि चांदी ईटीएफमध्ये जोरदार विक्री दिसून आली.
advertisement
> सिलव्हर ईटीएफवर दबाव
सिल्व्हर ईटीएफ स्वतंत्र देशांतर्गत दबावाचा सामना करत आहेत. देशात भौतिक चांदीची लक्षणीय कमतरता आहे. या कमतरतेमुळे प्रीमियम वाढले आहेत आणि ईटीएफच्या किमती वाढल्या आहेत. पुरवठा सामान्य झाल्यामुळे, किमती झपाट्याने घसरल्या. अनेक चांदीच्या ईटीएफमध्ये एका दिवसात ७ ते ८ टक्के घट झाली आहे.
>>> गेल्या वर्षी किती रिटर्न?
advertisement
>> गोल्ड ईटीएफ (१ वर्ष + YTD)
> २०२५ YTD - सरासरी ५७.२५% परतावा
> UTI गोल्ड ईटीएफ - ५९.०१%
> १ वर्ष सरासरी - ६०.१६%
>> सिल्व्हर ईटीएफ (१ वर्ष + YTD)
> २०२५ YTD - सरासरी ७४.५२% परतावा
> ICICI Pru सिल्व्हर ईटीएफ - ७६.०३%
> १ वर्ष सरासरी - ६८.२०%
advertisement
गेल्या महिन्यात झालेल्या घसरणीनंतरही, सोने आणि चांदी दोघांनीही वर्षभरात अपवादात्मकपणे चांगली कामगिरी केली आहे.
>> एक्सपर्ट काय म्हणाले?
'सीएनबीसी आवाज'वरील तज्ज्ञांनी सांगितले की इक्विटीज प्रमाणे प्रत्येक घसरण ही खरेदीची संधी नसते. Gold–Silver earnings-driven नसून मागणीवर अवलंबून आहेत.
जर तुम्ही सोनं-चांदीला कर्जाचा पर्याय मानत असाल आणि त्यांचा दीर्घकाळचा प्रतिक्षा करण्यास तयार असाल, तर घसरण खरेदी करण्यासारखी आहे. तर, चांदी हा कर्जाचा पर्याय नाही. सोने आणि चांदी इक्विटीजच्या तुलनेत संपत्ती निर्माण करत नाहीत. चांदीची दीर्घकालीन क्षमता आणखी कमकुवत आहे.
advertisement
एक्सपर्टने सांगितले की, सोनं-चांदीमध्ये अल्पकालीन गुंतवणुकीचा पर्याय टाळा. SIP/ Systematic approach स्वीकारा. जर ईटीएफमधील Allocation कमी झाले असेल तर हळूहळू rebalance करा. आपली गुंतवणूक नेहमीच दीर्घकालीन उद्दिष्टांशी जोडली पाहिजे असेही तज्ज्ञांनी सांगितले.
गुंतवणूकदारांनी काय करावे?
तज्ज्ञांनी सांगितले की, अल्पकालीन घसरणीबद्दल घाबरण्याचे कारण नाही. सोने आणि चांदी दीर्घकालीन पोर्टफोलिओ स्थिरीकरण करणारे म्हणून काम करतात. एसआयपी किंवा Systematic approach सर्वोत्तम आहे. जर तुम्हाला Debt ला पर्याय हवा असेल तर सोनं ठीक आहे. मात्र, चांदीचा पर्याय योग्य नाही. इक्विटीच्या तुलनेत सोनं-चांदीकडून दीर्घकालीन संपत्ती निर्मितीची अपेक्षा करता कामा नये असेही एक्सपर्टने सांगितले.
view commentsLocation :
Mumbai,Maharashtra
First Published :
November 21, 2025 3:00 PM IST
मराठी बातम्या/मनी/
Gold News : सोनं-चांदीचे दर घसरले, ETF गुंतवणूकदारांचं टेन्शन वाढलं, आता काय करावं? एक्सपर्टने मोलाचं सांगितलं...
