Trending:

Gold Silver Price : सोनं-चांदीच्या दरात मोठी घसरण, चांदी २२८० रुपयांनी स्वस्त, सोनं किती रुपयांनी स्वस्त?

Published by:Shrikant Bhosale

Last Updated:November 20, 2025 1:24 PM IST

Gold Silver Rate : एक दिवसापूर्वीच सोनं-चांदीच्या दरात वाढ झाली होती. मात्र, आज सोनं-चांदीच्या दरात मोठी घसरण झाली आहे.

इम्पॅक्ट शॉटतुमचा गेटवे लेटेस्ट न्यूज

सोनं-चांदीच्या दरात मोठी घसरण, चांदी २२८० रुपयांनी स्वस्त, सोनं किती रुपयांनी स्वस्त?

Gold Silver Price 20 Nov 2025: लग्नसराईचा हंगाम सुरू असताना ग्राहकांना मोठा दिलासा मिळाला आहे. एक दिवसापूर्वीच सोनं-चांदीच्या दरात वाढ झाली होती. मात्र, आज सोनं-चांदीच्या दरात मोठी घसरण झाली आहे. गेल्या काही दिवसांत सातत्याने वाढत असलेले सोने आणि चांदीचे भाव आज अचानक घसरले. गुंतवणूकदार आणि ज्वेलर्स दोघांनाही ही घसरण धक्का देणारी ठरली आहे.

>> सोन्याच्या किमतीत मोठी घसरण

२४ कॅरेट सोन्याची किंमत आज ₹1,003 ने घसरून ₹1,22,881 प्रति 10 ग्रॅम झाली आहे. जीएसटीसह किंमत आता ₹1,26,567 प्रति 10 ग्रॅम इतकी झाली आहे. गेल्या 17 ऑक्टोबर रोजी सोन्याने ₹1,30,874 इतका सर्वकालीन उच्चांक गाठला होता. त्या तुलनेत सोने आता ₹7,993 ने स्वस्त झाले आहे.

>> कॅरेटनुसार सोन्याचा दर काय?

> २३ कॅरेट सोन्याची किंमतही ₹999 ने कमी होऊन ₹1,22,389 वर उघडली.

> २२ कॅरेट सोने ₹919 ने घसरून ₹1,12,559 प्रति 10 ग्रॅम झाले आहे.

> १८ कॅरेट सोन्याचा भाव ₹752 ने कमी होऊन ₹92,161 झाला.

> १४ कॅरेटमध्ये मात्र किंमत बदल वेगळा असून ती ₹587 ने वाढून ₹71,885 वर पोहोचली आहे.

> चांदीचे भावही घसरले

चांदीची किंमत आज जीएसटीशिवाय ₹2,280 ने घसरून ₹1,55,840 प्रति किलो वर उघडली. जीएसटीसह ती ₹1,60,515 प्रति किलो इतकी झाली आहे.

१४ ऑक्टोबर रोजी चांदीची किंमत ₹1,78,100 प्रति किलो या सर्वोच्च पातळीवर होती. त्या तुलनेत चांदी आज ₹22,460 ने खाली आली आहे.

> IBJA कडून दिवसातून दोनदा दर जाहीर

इंडिया बुलियन अँड ज्वेलर्स असोसिएशन (IBJA) दररोज दुपारी 12 वाजता आणि सायंकाळी 5 वाजता दर जाहीर करते. या वर्षी सोने 47,141 ने वाढले, तर चांदी 69,823 ने महागली आहे.

> शहरानुसार दरात फरक

IBJA दर हे बेसिक स्पॉट रेट असतात. तुमच्या शहरात हे दर ₹1,000 ते ₹2,000 पर्यंत कमी–जास्त असू शकतात, असा IBJA ने स्पष्ट केले आहे.

view comments