Gold Rate: खरंच सोनं स्वस्त होणार की तोळ्याचे दर 1,20,000 रुपयांवर जाणार? तुमच्या प्रश्नांचं उत्तर

जालना: जागतिक स्तरावर असलेल्या अस्थिरतेमुळे सोन्याचे-चांदीचे दर सातत्याने वाढत आहेत. पुन्हा एकदा सोने आणि चांदीने एक लाखांचा टप्पा पार केला आहे. जीएसटीसह 1 लाख 1 हजार ते 1 लाख 2 हजार रुपये प्रति तोळा या दराने सोन्याची विक्री होत आहे. इराण-इस्त्राईलमध्ये सुरू असलेला संघर्ष देखील सोन्याच्या दरवाढीला कारणीभूत असल्याचे सांगितले जात आहे. याच दरवाढीची कारणे जालना येथील सराफा असोसिएशनचे अध्यक्ष गिरीधरलाल लाधानी यांच्याकडून जाणून घेऊ.