PF Interest Rate: EPFOने जाहीर केला PFवरील नवा व्याजदर, नोकरदार वर्गासाठी सर्वात मोठी बातमी

Published by:Jaykrishna Nair

Last Updated:February 28, 2025 1:29 PM IST

EPFO Interest Rate: EPFO कडून नोकरदारांसाठी खुशखबर आली आहे. आर्थिक वर्ष 2024-25 साठी पीएफवरील व्याजदर 8.25% इतका कायम ठेवण्याचा निर्णय घेण्यात आला आहे.

नवी दिल्ली: देशातील कोट्यवधी नोकरदारांसाठी एक आनंदाची बातमी आली आहे. कर्मचारी भविष्य निधी संघटना (EPFO) ने 2024-25 या आर्थिक वर्षासाठी पीएफवरील व्याजदर 8.25% निश्चित केला आहे. यापूर्वी फेब्रुवारी 2024 मध्ये व्याजदर वाढवून 8.25% करण्यात आला होता जो पूर्वी 8.15% होता.

28 फेब्रुवारी रोजी झालेल्या CBT बैठकीत हा निर्णय घेण्यात आला. CNBC TV18ला सूत्रांनी दिलेल्या माहितीनुसार EPFO च्या सेंट्रल बोर्ड ऑफ ट्रस्टीजने (CBT) हा निर्णय घेतला आहे.

शेअर बाजारातील घसरणीचा पहिला बळी; नाशिकच्या तरुणाने स्वत:चा जीव घेतला

गेल्या काही वर्षांमध्ये EPFO ने व्याजदरांमध्ये चढ-उतार केले आहेत. मार्च 2022 मध्ये 2021-22 या आर्थिक वर्षासाठी पीएफवरील व्याजदर 8.5% वरून 8.1% करण्यात आला होता, जो 1977-78 नंतरचा सर्वात कमी व्याजदर होता. मार्च 2020 मध्ये 2019-20 या आर्थिक वर्षासाठी व्याजदर सात वर्षांच्या नीचांकी स्तरावर म्हणजे 8.5% करण्यात आला होता, तर 2018-19 मध्ये हा दर 8.65% होता.

EPFO च्या या निर्णयामुळे देशभरातील लाखो नोकरदारांना दिलासा मिळणार असून, त्यांच्या निवृत्ती निधीवर स्थिर आणि आकर्षक परतावा मिळेल.

view comments

Location :

Mumbai,Maharashtra

First Published :

February 28, 2025 1:16 PM IST

PF Interest Rate: EPFOने जाहीर केला PFवरील नवा व्याजदर, नोकरदार वर्गासाठी सर्वात मोठी बातमी