Mukesh Ambani: 'जामनगर येत्या दशकात विकासाचा निश्चित टप्पा गाठेल'- मुकेश अंबानी

रिलायन्स फाऊंडेशनच्या वंताराबद्दलही मुकेश अंबानी यांनी भरभरून सांगितलं. 'जखमी जनावरांना जगातील सर्व प्रकारच्या प्रगत वैद्यकीय सुविधा पुरविल्या जात आहे. वन प्राण्यांची इथं चांगली देखरेख केली जाते. रिलायन्स फाऊंडेशनच्या सेवा कार्यक्रमांबद्दल बोलण्याची गरज नाही' असंही ते म्हणाले.

"तुमच्या (रिलायन्सच्या कर्मचाऱ्यांनी) त्याच्या वाढीसाठी एकत्र काम केल्यामुळे आम्ही या पातळीपर्यंत पोहोचलो आहोत. आपल्या सगळ्यांच्या मेहनतीमुळे आपण इथं पर्यंत पोहोचलो आहोत. आपण आपल्या कामातून रिलायन्सचे संस्थापक धीरूभाई अंबानी यांचं स्वप्न पूर्ण करू शकलो' असंही मुकेश अंबानी म्हणाले.

रिलायन्सची जामनगर रिफायनरी गेल्या आठवड्यात २५ वर्षांची झाली. 28 डिसेंबर 1999 रोजी रिलायन्सने जामनगर येथे पहिली रिफायनरी सुरू केली. आज जामनगर हे जगातील एक प्रसिद्ध रिफायनरी बनले आहे. येथील रिफायनरी हा एक अभियांत्रिकी चमत्कार आहे ज्याचा भारताला अभिमान आहे. सुरुवातीला अनेक तज्ज्ञांनी सांगितले होते की, भारतीय कंपनीला तीन वर्षांत जगातील सर्वात मोठी रिफायनरी उभारणे अशक्य आहे. पण पायाभूत सुविधांचा अभाव आणि त्या दिवशी जामनगरला आलेले वादळ असूनही, रिलायन्सने केवळ 33 महिन्यांत ते साध्य केले.