पोस्टाची ही विमा पॉलिसी आहे भारी! वर्षाला फक्त 396 रुपये खर्च आणि Emergency मध्ये मिळणार 10 लाखांचा लाभ

इंदूर : अनेक प्रकारच्या विमा पॉलिसीच्या माध्यमातून लोक आपले आयुष्य आणि कुटुंब सुरक्षित करण्याचा प्रयत्न करतात. पण त्यातच असे आणखी काही लोक आहेत, जे महागाईच्या या काळात विमा पॉलिसीचा लाभ घेऊ शकत नाहीत. अशा लोकांना दुर्दैवाने काही अपघातानंतर आर्थिक अडचणींचा सामना करावा लागतो.  म्हणून अशा लोकांसाठी भारतीय टपाल विभागाच्या इंडिया पोस्ट पेमेंट्स बँकेने एक अत्यंत चांगली योजना सुरू केली आहे. अत्यंत फायदेशीर अपघात विमा पॉलिसीची ही सुविधा प्रति वर्ष फक्त 396 रुपयांमध्ये प्रदान केली जात आहे.

या विमा पॉलिसीचा लाभ 18 वर्षे वयाच्या तरुणांपासून ते 65 वर्षांपर्यंतचे वृद्धही घेऊ शकतात. यामध्ये कोणत्याही व्यक्तीचा अपघातात मृत्यू झाल्यास किंवा कायमचे अपंगत्व आल्यास, अंशतः अपंगत्व आल्यास किंवा अर्धांगवायू झाल्यास 10 लाख रुपयांपर्यंतचा क्लेम दिला जाईल. तर अपघात झाल्यास रुग्णालयात दाखल झालेल्या विमाधारकाला प्रदान केले जाईल. आयपीडी उपचारांच्या खर्चासाठी 60 हजार रुपयांपर्यंतचा क्लेम आणि ओपीडीमध्ये ड्रेसिंग किंवा उपचारासाठी 30 हजार रुपये दिले जातील.

या विमा पॉलिसी धारक व्यक्तीला दुर्घटनाग्रस्त झाल्यावर रुग्णालयात दाखल होण्याच्या स्थितीमध्ये 60 हजार रुपयांव्यतिरिक्त 10 दिवसांपर्यंत एक हजार रुपयेसुद्धा वेगळे प्रतिदिवस दिले जातील. जर विमाधारकाचे कुटुंब किंवा कुणी शहरात राहत असेल तर त्याला येण्याजाण्यासाठीही जास्तीत जास्त 25 हजार रुपयांपर्यंतचा तिकिट खर्च दिला जाईल.

दुर्दैवाने, विमाधारकाचा मृत्यू झाल्यास त्याच्या अंतिम संस्कारासाठी 5,000 रुपये देण्याची तरतूद या पॉलिसीमध्ये आहे. यासोबतच पॉलिसीधारकाचा मृत्यू झाल्यास, 10 लाख रुपयांच्या विमा रकमेव्यतिरिक्त, मुलांच्या शिक्षणासाठी स्वतंत्रपणे 1 लाख रुपये देण्याची तरतूद आहे.