26 लाख अपात्र लाडक्या बहिणींचं काय होणार? आदिती तटकरे यांनी स्पष्टच सांगितलं

लाडकी बहीण योजनेचे पैसे तुमच्या खात्यावर येणार नाहीत. घाबरू नका, मात्र पैसे सध्या तूर्तास थांबवण्यात आले आहेत. याचं कारण म्हणजे 26 लाख महिलांच्या पात्रतेची सूक्ष्म छाननी केली जाणार असून त्यातील पात्र लाभार्थ्यांनाच पैसे मिळणार आहेत. याबाबत मंत्री आदिती तटकरे यांनी ट्विट करुन महत्त्वाची माहिती दिली आहे. राज्य सरकारच्या महत्त्वाकांक्षी मुख्यमंत्री माझी लाडकी बहीण योजनेतील जवळपास 26 लाख महिला लाभार्थींची पात्रता संशयास्पद असल्याची धक्कादायक माहिती समोर आली आहे. माहिती व तंत्रज्ञान विभागाने केलेल्या प्राथमिक तपासणीत ही बाब उघडकीस आली आहे. राज्यातील सर्व जिल्ह्यांमधून हे संशयास्पद लाभार्थी असल्याचे सांगण्यात आले आहे.