नोकरी सोडली अन् कलेलाच फोकस केलं, 22 वर्षांच्या प्रणालीची लाखात कमाई, करते काय?
- Reported by:Namita Suryavanshi
- Published by:Shankar Pawar
Last Updated:
Business Success: मुंबईकर प्रणालीनं नोकरी सोडून करिअरलाच फोकस केलं. आता ती या बिझनेसमधून लाखात कमाई करत आहे.
मुंबई: 22 वर्षांची प्रणाली व्हावाळ ही तरुणी फॅशन डिझाईनचे शिक्षण पूर्ण केल्यानंतर नोकरी करत होती. पण काही काळानंतर तिला जाणवलं की तिच्या हातातही आणि तिच्या आईच्या हातातही एक सुंदर कला आहे. फॅब्रिकपासून ज्वेलरी तयार करण्याची. अनेक वर्ष आईने या कलेवर घर सांभाळलं, आणि हीच कला स्वतःकडेही आहे हे लक्षात आल्यावर प्रणालीने मोठा निर्णय घेतला. नोकरी सोडून तिने स्वतःचा फॅब्रिक ज्वेलरी व्यवसाय सुरू केला.
प्रणाली स्वतः हाताने सर्व दागिने तयार करते. 50 रुपयांपासून ती ज्वेलरी विकते आणि तिच्याकडे ब्रायडल सेट, दैनंदिन वापरासाठी ज्वेलरी, लग्नसमारंभासाठी ट्रॅडिशनल डिझाईन्स, कानातले, गळ्यातले विविध खास डिझाईन्स उपलब्ध आहेत.
सोशल मीडियावरून तिच्या ज्वेलरीला चांगला प्रतिसाद मिळू लागला. त्यानंतर तिने सरकारी उपक्रम ‘एक स्टेशन, एक उत्पादन’ या योजनेत सहभाग घेतला. या उपक्रमात ती मुंबईतील वेगवेगळ्या स्टेशनवर 15 दिवसांचे स्टॉल लावते आणि प्रवाशांना थेट फॅब्रिक ज्वेलरी विकते.
advertisement
सध्या तिचा स्टॉल दहिसर स्टेशनच्या प्लॅटफॉर्म क्रमांक 1 वर सुरू आहे आणि तो 3 डिसेंबरपर्यंत सुरू राहणार आहे. आज प्रणाली तिच्या कलेच्या जोरावर वर्षाला जवळपास 2 लाखांहून अधिकची कमाई करते. पुढे हा व्यवसाय मोठ्या ब्रँडमध्ये वाढवण्याचं तिचं स्वप्न आहे. स्वतःवर विश्वास ठेवून नोकरी सोडून घेतलेला निर्णय आज तिच्या उद्योजकतेला नवीन दिशा देत आहे.
Location :
Mumbai,Maharashtra
First Published :
Nov 27, 2025 2:01 PM IST
