17 वर्षांच्या मुलीला मिळाली 300 कोटींची कंपनी, असं काही केलं की, 8000 कोटींपर्यंत पोहोचला बिझनेस
- Published by:Mohini Vaishnav
Last Updated:
नाडिया चौहानचे वडील पार्ले अॅग्रोचे चेअरमन होते. नाडियाचा जन्म यूएसमध्ये झाला. मात्र तिचं संगोपन हे मुंबईत झालं.
नवी दिल्ली : नाडिया चौहानचा जन्म कॅलिफोर्नियामध्ये झाला. मात्र तिचं पालन-पोषण हे मुंबईत झालं. तिच्या वडिलांचं नाव प्रकाश चौहान आहे. जे पार्ले अॅग्रोचे चेअरमन होते. नाडियाच्या आणखी दोन बहिणी आहे. ज्या तिच्यापेक्षा मोठ्या आहेत. नाडिया केवळ 17 वर्षांची होती. तेव्हा तिला पार्ले अॅग्रोची चीफ मार्केटिंग ऑफिसर बनवण्यात आलं. एवढ्या कमी वयात अशी मोठी जबाबदारी मिळणं ऐकायला विचित्र वाटू शकतं. मात्र बिझनेस नाडियाच्या रक्तातच होता आणि तिने ते सिद्धही करुन दाखवलं.
नादियाने औपचारिकपणे तिची जबाबदारी स्वीकारली तेव्हा कंपनी फक्त फ्रूटीचे उत्पादन करत होती. त्यावेळी कंपनीची उलाढाल 300 कोटी रुपये होती. पार्ले अॅग्रोचा 95 टक्के महसूल केवळ फळांमधून येत होता. सर्वप्रथम तिने त्याचे पॅकेजिंग बदलण्याचा निर्णय घेतला. पूर्वी हिरव्या रंगाच्या पाकिटाचा रंग बदलून पिकलेल्या आंब्याचा म्हणजेच पिवळा करण्यात आला. ही कल्पना हिट झाली. यानंतर तिने फ्रूटीची ओळख बदलण्यासाठी पावले उचलली. आत्तापर्यंत फक्त लहान मुलांना डोळ्यासमोर ठेवून जाहिराती बनवणाऱ्या फ्रूटीने आता लहानांपासून मोठ्यांपर्यंत सगळ्यांनाच टार्गेट करायला सुरुवात केली आहे. त्यामुळे कंपनीच्या विक्रीत मोठी वाढ झाली.
advertisement
उत्पन्नाचे नवीन स्रोत
नादियाने पाहिले की कंपनी फक्त फ्रूटीवर खूप अवलंबून आहे. अशा वेळी जर काही चूक झाली तर कंपनीकडे बॅकअप नाही. त्यामुळे फ्रूटी व्यतिरिक्त कंपनीने आता बाटलीबंद पिण्याचे पाणी विकण्याचा निर्णय घेतला आहे. अशा प्रकारे बेलीचा (bailey) जन्म झाला. नादिया इथेच थांबली नाही. तिने नवीन सॉफ्ट ड्रिंकवरही डाव खेळला. आंब्यानंतर तिने अॅपी फिझ हे सफरचंदापासून बनवलेले पेय बाजारात आणले. Fizz चे ब्रँडिंग, पॅकेजिंग आणि मार्केटिंग हे सर्व अव्वल राहिले आणि हे उत्पादन बाजाराने लगेचच स्वीकारले. 2005 मध्ये Fizz लॉन्च करण्यात आले. आज या पेयाने बाजारपेठेत स्वत:ची चमक प्रस्थापित केली आहे.
advertisement
8000 कोटी रुपयांचा झाला बिझनेस
पार्ले अॅग्रोचा व्यवसाय 2022-23 मध्ये 8000 कोटी रुपयांचा झाला आहे. फ्रूटीचा महसूल सुमारे 4000 कोटी रुपयांवर पोहोचला आहे परंतु एकूण महसुलात त्याचा वाटा 48 टक्क्यांवर आला आहे. याचा अर्थ फ्रूटीपासून कंपनीचे उत्पन्न वाढले असले तरी त्यावरील अवलंबित्व कमी झाले आहे. आज नादिया या कंपनीच्या संयुक्त संचालकही आहेत. 2030 पर्यंत कंपनीला 20,000 कोटी रुपयांची टर्नओवर असलेली फर्म बनवण्याचे त्यांचे उद्दिष्ट आहे.
Location :
Mumbai,Maharashtra
First Published :
Oct 31, 2023 9:59 AM IST
मराठी बातम्या/मनी/
17 वर्षांच्या मुलीला मिळाली 300 कोटींची कंपनी, असं काही केलं की, 8000 कोटींपर्यंत पोहोचला बिझनेस
