Success Story : शिक्षण फक्त दहावी, घरातूनच सुरू केला केक बनविण्याचा व्यवसाय, स्टॉलमधून महिन्याची कमाई तर पाहाच

नाशिक : नाशिकच्या निलोफर सैयद या फक्त 10 वी पर्यंत शिक्षण घेतलेल्या असूनही व्यवसाय करण्याची आवड त्यांनी जोपासली आहे. पाच वर्षांपूर्वी त्यांनी घरातूनच केक बनविण्याचा व्यवसाय (होम बेकरी) सुरू केला. त्यांच्या हातचे केक उत्तम दर्जाचे असल्याने त्यांची मागणी दिवसेंदिवस वाढू लागली. वाढत्या मागणीमुळे आता निलोफर रोज सायंकाळी अशोका मार्गावर आपला केक स्टॉल लावतात. त्यामुळे त्यांचे मार्केटिंग चांगले होत असून दररोजचा व्यवसायही वाढत आहे, असे त्यांनी लोकल 18 शी बोलताना सांगितले.