Success Story: तरुणाची कमाल, लोडिंग ऑटोमध्ये सुरू केले नाश्ता सेंटर, महिन्याला 80 हजारांचा नफा, Video

छत्रपती संभाजीनगर : वाळूज येथील प्रताप चौक परिसरात पवन बोर्डे हे पाच वर्षांपासून भजी-पावसह विविध खाद्यपदार्थांचे नाश्ता सेंटर चालवतात. त्यांच्या नाश्त्याच्या चवीमुळे खवय्ये दुरून त्यांच्याकडे येतात, त्यामुळे नेहमी येथे वर्दळ असते. सकाळी 4 वाजल्यापासून हे नाश्ता सेंटर सुरू होते आणि संध्याकाळी 7 वाजेपर्यंत ग्राहकांना ते खाद्याची सेवा पुरवतात. बोर्डे यांची दिवसाला 8 ते 9 हजार रुपयांची उलाढाल होत असते, तर महिन्याला खर्च वजा निव्वळ नफा 70 ते 80 हजार रुपये मिळत असल्याचे बोर्डे यांनी लोकल 18 सोबत बोलताना सांगितले.