शेतकरी आता पिकांचंही काढू शकता इन्शुरन्स, पण अर्ज कसा करायचा? जाणून घ्या सोपी प्रोसेस

नवी दिल्ली : भारत हा कृषिप्रधान देश आहे. आपल्या देशात शेती करणाऱ्यांची संख्या मोठी आहे. वादळ, महापूर, अवकाळी पाऊस अशा नैसर्गिक आपत्तीमुळे शेतकऱ्यांचं खूप नुकसान होतं. बऱ्याचदा त्यांना दुष्काळाचा सामनाही करावा लागतो. शेतकऱ्यांना याचा मोठा आर्थिक फटका बसतो. हे नुकसान कमी व्हावं, यासाठी केंद्र सरकारने पीएम फसल बिमा योजना सुरू केली आहे. या योजनेअंतर्गत शेतकरी पिकाचा विमा उतरवू शकतात. असं केल्यास कोणत्याही नैसर्गिक आपत्तीमुळे त्यांच्या पिकांचं नुकसान झाल्यास सरकारकडून आर्थिक मदत दिली जाते. यामुळे शेतकऱ्यांना त्या नुकसानाची भरपाई होण्यास मदत मिळते. प्रधानमंत्री फसल बिमा योजना काय आहे? त्यासाठी कोणती कागदपत्रं लागतात आणि या योजनेचा लाभ घेण्यासाठी अर्ज कसा करायचा, या सर्व गोष्टींबाबत आपण सविस्तर जाणून घेऊ या. या संदर्भातलं वृत्त 'जागरण'ने दिलं आहे.