उद्या देशभर बँकिंग सेवा ठप्प, Bank कर्मचाऱ्यांची संपाची घोषणा; चौथ्या दिवशी बँका बंद, पूर्ण शटडाऊन

या संपामुळे सरकारी बँकांमधील रोख व्यवहार, चेक क्लिअरन्स, शाखांमधील दैनंदिन कामकाज पूर्णपणे ठप्प राहणार आहे. विशेष म्हणजे, जानेवारी महिन्यात आधीच चौथा शनिवार (23 जानेवारी), रविवार (25 जानेवारी) आणि प्रजासत्ताक दिन (26 जानेवारी) या सुट्ट्यांमुळे बँका बंद होत्या. त्यामुळे हा सलग चौथा दिवस असेल, जेव्हा सरकारी बँकांचे कामकाज प्रभावित होणार आहे. मात्र, खासगी बँकांवर या संपाचा कोणताही परिणाम होणार नाही, कारण त्या UFBU चा भाग नाहीत.

मात्र या करारानंतरही सरकारकडून अद्याप अधिकृत अधिसूचना (नोटिफिकेशन) जारी करण्यात आलेली नाही. यामुळे कर्मचाऱ्यांमध्ये तीव्र नाराजी आहे. युनियन्सचे म्हणणे आहे की, ही मागणी कोणतीही अतिरेकी नसून संतुलित कामकाजासाठी आहे. त्यासाठी कर्मचारी दररोज 40 मिनिटे अतिरिक्त काम करण्यासही तयार आहेत.

सध्या बँका महिन्यातील दुसरा आणि चौथा शनिवार एवढ्याच दिवशी बंद असतात. आता सर्व शनिवार सुट्टी जाहीर करणारी अधिसूचना सरकारने तात्काळ काढावी, अशी ठाम मागणी युनियन्स करत आहेत.

एकूणच, सरकारी बँकांचा संप लक्षात घेता नागरिकांनी महत्त्वाची बँकिंग कामे पुढे ढकलणे किंवा डिजिटल पर्यायांचा वापर करणे अधिक सुरक्षित ठरेल.