सकाळी शेअर बाजार उघडताच होणार मोठी उलथापालथ, गुंतवणूकदारांची धाकधूक वाढली; या स्टॉक्सकडे दुर्लक्ष करू नका

Published by:Jaykrishna Nair

Last Updated:Dec 25, 2025 11:44 PM IST

Share Market: बाजार बंद झाल्यानंतर अनेक कंपन्यांबाबत महत्त्वाच्या घडामोडी समोर आल्या असून, शुक्रवारी (26 डिसेंबर) शेअर बाजारात या स्टॉक्समध्ये हालचाल पाहायला मिळू शकते. गुंतवणूकदारांचे लक्ष KNR Constructions, Vodafone Idea, Ola Electricसह अनेक शेअर्सवर राहणार आहे.

मुंबई: 24 डिसेंबर रोजी शेअर बाजार बंद झाल्यानंतर अनेक कंपन्यांबाबत महत्त्वाचे अपडेट्स समोर आले आहेत. गुरुवारची सुट्टी संपल्यानंतर शुक्रवारी 26 डिसेंबरला जेव्हा बाजार उघडेल, तेव्हा खालील कंपन्यांच्या शेअर्सवर गुंतवणूकदारांचे विशेष लक्ष असेल.

1. KNR Constructions: कंपनीने गुरुवारी माहिती दिली की, त्यांनी चार रस्ते प्रकल्पांशी संबंधित 'स्पेशल पर्पज व्हीकल्स' (SPVs) मधील आपली 100% भागीदारी विकण्यासाठी 'Indus Infra Trust' सोबत करार (SPA) केला आहे. हे करार 24 डिसेंबर 2025 रोजी पूर्ण करण्यात आले असून, याद्वारे कंपनी आपले संपूर्ण शेअर्स आणि सब-डेट इंडस इन्फ्रा ट्रस्टला हस्तांतरित करणार आहे.

2. Lenskart Solutions: लेन्सकार्टची पूर्ण मालकीची उपकंपनी 'लेन्सकार्ट सॉल्यूशन्स प्रायव्हेट लिमिटेड, सिंगापूर' ने दक्षिण कोरियाच्या 'iiNeer Corp Ltd' या ऑप्टिकल मशिनरी स्टार्टअपमध्ये 29.24% हिस्सा खरेदी करण्यासाठी 3 अब्ज KRW (सुमारे 18.6 कोटी रुपये) गुंतवणुकीला मंजुरी दिली आहे.

3. Vodafone Idea: व्होडाफोन आयडियाला मुंबई आणि बेंगळुरू येथील कर अधिकाऱ्यांकडून दोन स्वतंत्र GST दंड आदेश मिळाले आहेत. यामुळे कंपनीवर 83 कोटी रुपयांहून अधिक आर्थिक बोजा पडणार आहे. मुंबईच्या राज्य कर उपायुक्तांनी 79.56 कोटी रुपयांच्या दंडाची पुष्टी केली आहे.

4. NTPC Green Energy: गुजरातमध्ये असलेल्या 1255 मेगावॅटच्या 'खावडा-1' सोलर पीव्ही प्रकल्पातील 69.04 मेगावॅट क्षमतेचे व्यावसायिक कामकाज 25 डिसेंबरपासून सुरू झाले आहे. हा प्रकल्प NTPC रिन्यूएबल एनर्जी लिमिटेडद्वारे विकसित केला जात आहे.

5. Ola Electric: ओला इलेक्ट्रिकला 2024-25 या आर्थिक वर्षासाठी 'PLI-ऑटो' योजनेअंतर्गत 366.78 कोटी रुपयांचा निधी मंजूर झाला आहे. अवजड उद्योग मंत्रालयाकडून याला औपचारिक मंजुरी मिळाली असून, शुक्रवारी या शेअरमध्ये तेजी पाहायला मिळू शकते.

6. Vikran Engineering: कंपनीला 'चित्रकूट-1' प्रकल्पासाठी 459.20 कोटी रुपयांचे मोठे इंजिनिअरिंग कंत्राट मिळाले आहे. यामध्ये मालाची ने-आण, विमा, इन्स्टॉलेशन आणि टेस्टिंग यांसारखी कामे समाविष्ट असून हे काम 12 महिन्यांत पूर्ण करायचे आहे.

7. Premier Energies: कंपनीने 250 कोटी रुपयांच्या गुंतवणुकीद्वारे 'Transcon Ind' मध्ये 34.21% इक्विटी हिस्सा खरेदी केला आहे. बुधवारी बाजार बंद होताना हा शेअर 1 टक्क्याने वधारला होता.

8. IndusInd Bank: इंडसइंड बँकेच्या अडचणीत वाढ झाली असून, 'सीरियस फ्रॉड इन्व्हेस्टिगेशन ऑफिस' (SFIO) ने बँक व्यवहारांची चौकशी सुरू केली आहे. ही चौकशी अकाउंटिंगमधील अनियमिततेच्या तक्रारीवरून सुरू करण्यात आली आहे.

9. Strides Pharma Science: अमेरिकेच्या FDA ने कंपनीच्या न्यूयॉर्कमधील उत्पादन युनिटची तपासणी पूर्ण केली आहे. या तपासणीनंतर FDA ने 'फॉर्म 483' जारी केला असून, त्यामध्ये चार महत्त्वाच्या हरकती (Observations) नोंदवल्या आहेत.

10. Castrol India: कॅस्ट्रोल इंडियामध्ये 26% हिस्सा खरेदी करण्यासाठी 'मोशन जेव्हीको लिमिटेड' (Motion JVCo Limited) ने प्रति शेअर 194.04 रुपये या दराने 'ओपन ऑफर' दिली आहे. यामुळे या शेअरमध्ये मोठी हालचाल अपेक्षित आहे.

11. IRFC: भारतीय रेल्वे वित्त निगम (IRFC) ने 'डेडिकेटेड फ्रेट कॉरिडॉर कॉर्पोरेशन' (DFCCIL) सोबत 9,821 कोटी रुपयांच्या टर्म लोन करारावर स्वाक्षरी केली आहे. हा निधी जागतिक बँकेकडून घेतलेल्या जुन्या विदेशी कर्जाचे पुनर्वित्त (Re-financing) करण्यासाठी वापरला जाईल.

view comments

Location :

Mumbai,Maharashtra

First Published :

Dec 25, 2025 11:44 PM IST

सकाळी शेअर बाजार उघडताच होणार मोठी उलथापालथ, गुंतवणूकदारांची धाकधूक वाढली; या स्टॉक्सकडे दुर्लक्ष करू नका